Zhvillimi i Maratonës ndërkombëtare do të mbajë të bllokuara disa akse rrugore, për rreth një orë e 30 minuta, në fashat orare nga ora 19:00-20:30.
Sipas njoftimit të Bashkisë së Pogradecit, drejtuesit e automjeteve janë të lutur të marrin masa për të mos lëvizur në këtë orar në rrugën nacionale pra nga ora 19⁰⁰ deri në orën 20³⁰.
Kjo maratonë me mbi 500 pjesëmarrës nga mbi 25 vende të botës do të zhvillohet pikërisht në qytetin e Pogradecit.
Njoftimi i Bashkisë së Pogradecit:
Në kuadër të organizimit të Maratonës Ndërkombëtare @marathon_enkelana datë 29 Korrik 2023 ju lajmërojmë se do të bëhet bllokim i përkohshëm i aksit nacional Lin-Pogradec dhe Qafë Plloçë-Pogradec:
Bllokimi për 1 orë e 30 minuta në fashën orare 19⁰⁰-20³⁰
Në të dyja drejtimet e lart përmendura, pra në sensin kur vjen nga Tirana dhe nga Korça.
Gjithashtu të bllokuara do të jenë edhe rrugët e qytetit deri në përfundim të maratonës.
Të gjithë drejtuesit e automjeteve janë të lutur të marrin masa për të mos lëvizur në këtë orar në rrugën nacionale pra nga ora 19⁰⁰ deri në orën 20³⁰.
